Naxçıvan şəhəri, Cəlil Məmmədquluzadə-42

(+99436) 545-72-58

Ordubad rayonunun Unus və Pəzməri kəndlərində geniş quruculuq işləri aparılıb

Qədim tarixə və mədəniyyətə malik olan Ordubad rayonu müasirliyin vəhdətində daha da inkişaf edir, istər rayon mərkəzi, istərsə də zəngin təbiəti və təmiz havası ilə seçilən ucqar dağ kəndləri abad və yaraşıqlı görkəm alır. Unus və Pəzməri kəndlərində insanların rahatlığına xidmət edən sosial obyektlərin istifadəyə verilməsi dövlətimizin iqtisadi qüdrətinin, ölkəmizdə insan amilinə verilən dəyərin və uğurla davam etdirilən ulu öndər Heydər Əliyev siyasi xəttinin təntənəsidir. Azərbaycan Respublikasının Prezidenti cənab İlham Əliyevin də dediyi kimi: “Bugünkü Azərbaycan uğurla inkişaf edir. Bugünkü Azərbaycan, müstəqil Azərbaycan Heydər Əliyevin əsəridir. Bu, sadəcə olaraq sözlər deyildir. Bu, reallıqdır, bu, həqiqətdir”.

Unus kənd məktəbində müasir
tədris şəraiti yaradılıb

Oktyabrın 28-də Ordubad rayonunun Unus kənd tam orta məktəbi istifadəyə verilib.

Naxçıvan Muxtar Respublikası Ali Məclisinin Sədri Vasif Talıbov məktəbdə yaradılan şəraitlə tanış olub.