Araz və Arpaçaydan su nümunələri götürülmüşdür.

Naxçıvan Muxtar Respublikası Ekologiya və Təbii Sərvətlər nazirliyinin əməkdaşları tərəfindən Araz və Arpa çayının Muxtar Respublikaya daxil olan hissəsindən və Şir arxından su nümunələri götürülmüş Sədərək rayon Su Monitorinq Laboratoriyasında ilkin analizlər, ağır metalların miqdarı və radioaktiv çirklənmə hallarını təyin etmək məqsədilə tritium izotopunun radioaktivlik dozasının analizi aparılmışdır.

 

Hərbiçilərə tərəfimizdən sovqatın verilməsi davam etdirilir.

Naxçıvan Muxtar Respublikası ərazisində min hektarlarla meyvə bağları salınmış və haliyyədə  bu bağlarda müxtəlif meyvə ağacları bar verməkdədir. Hər il olduğu kimi bu il də Naxçıvan Muxtar Respublikası Ekologiya və Təbii Sərvətlər Nazirliyi və tabeli idarə və müəssisələr tərəfindən  meşələrdə və əkilmiş meyvə bağlarında olan, ekoloji  təmiz, saf  meyvələr, əsasən alma,  armud, şaftalı və alça toplanaraq tədarük edilir və hərbi hissələrə sovqat kimi göndərilir. Bu ildə   24 sentyabr 2019-cu il tarixində  Nazir müavini N saylı hərbi hissələrdə əsgərlərlə görüş keçirmiş,  toplanmış   meyvələri sovqat kimi təqdim edilmişdir. Hərbi hissənin zabit və əsgərləri bu görüşləri yüksək qiymətləndirmiş və qeyd edilmişdir ki, ordunun bütün təminatı ən yüksək səviyyədə dövlət tərəfindən təmin edilir.  Bu görüşlərin keçirilməsi isə mənəvi baxımdan çox əhəmiyyətlidir. Naxçıvan Muxtar Respublikası Ekologiya və Təbii Sərvətlər Nazirliyi tərəfindən   bu tədbirlər davam etdirilir.

 
 

Naxçıvan MR Ekologiya və Təbii Sərvətlər Nazirliyində payız-qış mövsümü ilə əlaqədar müşavirə keçirilmişdir.

Naxçıvan Muxtar Respublikası Ali Məclisində  07 sentyabr 2019-cu il tarixdə, 2019-2020-ci illərin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədə  hörmətli Ali Məclis Sədri tərəfindən digər sahələrdə olduğu kimi ekologiya sahəsində də  görüləcək işlər haqqında , o cümlədən qurumuş ağacların kəsilərək hərbi hissələrə verilməsi, payız mövsümündə yeni yaşıllıqların salınmasının təşkil edilməsi,  muxtar respublikanın bitki və heyvanat aləminin qış aylarında qorunması üçün duz və yem ehtiyatı yaradaraq müəyyən olunmuş ərazilərə səpilməsi işlərinin görülməsi sahəsində tapşırıqlar verilmişdir. Verilmiş tapşırıqların vaxtında, yüksək səviyyədə yerinə yetirilməsi   üçün Nazirlikdə müşavirə keçirilmiş və Xüsusi İş Planı qəbul edilmişdir.

Ötən müddət ərzində aşağıdakı tədbirlər icra edilmiş və ya icrasına başlanılmışdır.

Ardını oxu...

 
 

Sədərək rayon Su Monitorinq Laboratoriyasında suların analizi aparılmışdır.

Ekologiya ve Təbii Sərvətlər Nazirliyinin Sədərək rayon Su Monitorinq laboratoriyasında Araz və Arpa çayının muxtar respublikaya daxil olan hissəsində və Şir arxında ağır metalların miqdarı və radioaktiv çirklənməni təyin etmək məqsədilə tritium izotopunun radioaktivlik dozasının miqdarı müəyyən edilmiş və suların ilkin analizi aparılmışdır.

 
 

Babək rayonunda monitorinq keçirilib

Naxçıvan Muxtar Respublikası Ekologiya və Təbii Sərvətlər Nazirliyi tərəfindən hazırlanmış tədbirlər planına uyğun olaraq monitorinqlər davam etdirilir. Növbəti monitorinq Babək rayonunun Babək qəsəbəsi və Nehrəm kəndində keçirildi. Mövcud su tutarlarından, içməli su anbarı və artezian sularında ilkin analizlər aparıldı və su nümunələri götürüldü. Rayonun yaşıllıq sahələri, bərk məişət tullantıları poliqonu və rayonunun mərkəzi xestexanasında tibbi tullantıların yerləşdirilməsi tərəfimizdən yoxlanıldı. Nehrəm bələdiyyəsinə aid yol kənarlarındakı yaşıllıq sahələrində sənaye əhəmiyyətli ağaclarda quruyan budaqların budanması ilə bağlı tövsiyələr verildi. Monitorinq müddətində ağacların budanması işlərinə başlanıldı. Kənd ərazisində bərk məişət tullantılarının ekoloji tələblər çərçivəsində idarə olunması və 2019-cu ilin payız əkin mövsümündə bərpaya ehtiyac olan yaşıllıq sahələrində əkin işlərinin aparılması ilə bağlı tövsiyələr verildi.

 
 

Səhifə 8 > 27-dən

Joomla 1.5