İyulun 21-də altıncı çağırış Naxçıvan Muxtar Respublikası Ali Məclisinin üçüncü sessiyası keçirilmişdir.

İyulun 21-də altıncı çağırış Naxçıvan Muxtar Respublikası Ali Məclisinin üçüncü sessiyası keçirilmişdir. Sessiyanın gündəliyinə aşağıdakı məsələlər verilmişdir.
1. 2020-ci ilin birinci yarısında Naxçıvan Muxtar Respublikasının sosial-iqtisadi inkişafının yekunları
2. Cari məsələ
Sessiyada gündəlikdə duran birinci məsələ ilə bağlı çıxışlar olmuşdur. Naxçıvan Muxtar Respublikası Baş Nazirinin birinci müavini Elşad Əliyev demişdir ki, aqrar sahədə həyata keçirilən kompleks tədbirlər kənd təsərrüfatının davamlı və dinamik inkişafını təmin etmiş, “Bərəkət Toxumçuluq” Məhdud Məsuliyyətli Cəmiyyəti istifadəyə verilmişdir. Ali Məclis Sədrinin 17 fevral 2020-ci il tarixli Sərəncamı ilə “2020-2025-ci illərdə Naxçıvan Muxtar Respublikasında baytarlıq təbabətinin inkişafı üzrə Dövlət Proqramı” qəbul edilmiş, Babək Rayon Baytarlıq İdarəsi və laboratoriyaları üçün yeni bina tikilmiş, 23 süni mayalanma məntəqəsi lazımi avadanlıqlar, yedəkli motosikletlərlə təmin olunmuşdur. Yeni yaradılan Süni Mayalanma Mərkəzi baytarlıq məntəqələrini yüksək məhsuldarlığı olan törədici toxumla təmin edəcəkdir. Muxtar respublikada cari ilin məhsulu üçün 36 min 879 hektar sahədə taxıl əkini aparılmışdır.
Artıq 35 min hektardan artıq sahədə biçin aparılmışdır. Bu il tədarük məntəqələri məhsul istehsalçılarından buğdanın hər kiloqramını 38, arpanın hər kiloqramını 35, qarğıdalının isə hər kiloqramını 40 qəpikdən qəbul edir. Hesabat dövründə kənd təsərrüfatının inkişafı ilə bağlı banklar və kredit təşkilatları tərəfindən 5 milyon 598 min 400 manat kredit verilmiş, məhsul istehsalçıları 9 min 8 ton mineral gübrə ilə təmin olunmuş, 177 yeni kənd təsərrüfatı texnikası alınmış, torpaq

Ardını oxu...

 

Növbəti monitorinq Culfa rayonunun Bənəniyar, Xanəgah və Saltaq kəndləri və Ağdərə qəsəbəsi ərazisində keçirilmişdir.

Naxçıvan Muxtar Respublikası Ekologiya və Təbii Sərvətlər Nazirliyi tərəfindən hazırlanmış tədbirlər planına uyğun olaraq monitorinqlər davam etdirilir.
Növbəti monitorinq Culfa rayonunun Bənəniyar, Xanəgah və Saltaq kəndləri və Ağdərə qəsəbəsi ərazisində keçirilmişdir. Əsas məqsədimiz mövcud su tutarlarında fiziki-kimyəvi tərkibinin yoxlanılması, adları çəkilən kəndlərdə yaşıllıq sahələrində mövcud vəziyyətinin öyrənilməsi, aqrotexniki qulluq işlərinin aparılması və bərk məişət tullantılarının təlimata uyğun qaydada yerləşdirilməsindən və yoxlanılmasından ibarətdir.
 
 

İyulun 11-də muxtar respublikada iməciliklər keçirilib, yaşıllıq zolaqları və meyvə bağlarına aqrotexniki qulluq göstərilib.

Azərbaycan Respublikasının Prezidenti cənab İlham Əliyev ekoloji problemlərin həllinə qayğı ilə yanaşaraq demişdir: “Ekoloji məsələlərə diqqət, münasibət, eyni zamanda, ölkəmizin ümumi siyasətinin, ümumi mədəniyyətinin təzahürüdür. Son nəticədə ən önəmli sahə budur. Neft-qaz tükənən sərvətlərdir... Ancaq təbiət, ətraf mühit - bu, daimi sərvətdir. Əsrlər boyu, minilliklər boyu təbiət olub, kainat olub, dünya olubdur. Bizim vəzifəmiz ondan ibarətdir ki, bunu qoruyaq”.

Naxçıvan Muxtar Respublikasında təbiətin mühafizəsinə, yaşıllıq sahələrinin artırılmasına xüsusi diqqət və qayğı göstərilir. Muxtar respublikamızın bütün bölgələrində yaşıllaşdırma işləri geniş vüsət almışdır. Hər il yeni meyvə bağları, meşə zolaqları salınır, təbiətin zənginləşdirilməsi istiqamətində ardıcıl tədbirlər görülür. Havaların isti keçdiyi bu günlərdə isə meyvə bağlarına və yaşıllıq zolaqlarına aqrotexniki qaydada qulluq göstərmək, ağacları vaxtlı-vaxtında suvarmaq mühüm əhəmiyyət daşıyır.

İyulun 11-də muxtar respublikada iməciliklər keçirilib, yaşıllıq zolaqları və meyvə bağlarına aqrotexniki qulluq göstərilib.

Naxçıvan Muxtar Respublikası Ali Məclisinin, Nazirlər Kabinetinin, Naxçıvan Muxtar Respublikası Dövlət Meliorasiya və Su Təsərrüfatı Açıq Səhmdar Cəmiyyətinin kollektivləri Babək rayonunun Nəzərabad kəndi yaxınlığında terras üsulu ilə salınan 15 hektarlıq meyvə bağında keçirilən iməcilikdə iştirak ediblər. Ötən illər ərzində meyvə bağında 9300 müxtəlif meyvə ağacları, eləcə də üzüm kolları əkilib, damcı üsulu ilə suvarma sistemi quraşdırılıb. Vaxtlı-vaxtında göstərilən aqrotexniki qulluğun nəticəsidir ki, artıq ağaclar məhsul verir.

Naxçıvan Muxtar Respublikası Ali Məclisinin Sədri Vasif Talıbov iməcilikdə iştirak edib.

 
 

Naxçıvan Muxtar Respublikası Ekologiya və Təbii Sərvətlər Nazirliyi tərəfindən hazırlanmış tədbirlər planına uyğun olaraq monitorinqlər davam etdirilir.

Görüntünün olası içeriği: 1 kişi, ayakta, ayakkabılar ve açık hava
Naxçıvan Muxtar Respublikası Ekologiya və Təbii Sərvətlər Nazirliyi tərəfindən hazırlanmış tədbirlər planına uyğun olaraq monitorinqlər davam etdirilir.
Növbəti monitorinq Ordubad rayonunun Biləv, Behrud, Parağa, Parağaçay kəndləri və Ağdərə qəsəbəsi ərazisində keçirilmişdir. Əsas məqsədimiz mövcud su tutarlarında fiziki-kimyəvi tərkibinin yoxlanılması, adları çəkilən kəndlərdə yaşıllıq sahələrində mövcud vəziyyətinin öyrənilməsi, aqrotexniki qulluq işlərinin aparılması və bərk məişət tullantılarının təlimata uyğun qaydada yerləşdirilməsindən və yoxlanılmasından ibarətdir.
 
 

Sədərək rayon Su Monitorinq laboratoriyasında, Araz və Arpa çayının muxtar respublika ərazisinə daxil olan hissəsindən və Şir arxından götürülmüşdür

Naxçıvan Muxtar Respublikası Ekologiya ve Təbii Sərvətlər Nazirliyinin Sədərək rayon Su Monitorinq laboratoriyasında, Araz və Arpa çayının muxtar respublika ərazisinə daxil olan hissəsindən və Şir arxından götürülmüş su nümunələrində ağır metalların miqdarı və radioaktiv çirklənməni təyin etmək məqsədilə tritium izotopunun radioaktivlik dozasının miqdarı təyin edilmiş və ilkin analizlər aparılmışdır. Bundan sonrada mütəmadi olaraq analizlər aparılacaqdır.

 
 

Səhifə 6 > 44-dən